連凱早前應邀為慈善機構Aids Concern設計了四款漫畫，宣揚安全性行為的重要性，他更透露今年內將舉行首個個人畫展。
早前Aids Concern找連凱所屬的alivenotdead合作，懂畫畫的連凱獲邀請以漫畫宣傳安全性行為訊息。連凱表示，這次是他首次為公眾畫漫畫，他說：「難度在於籌備階段，要將佢哋提供嘅四個故事縮短同用漫畫方式去表達。至於畫嘅過程就唔難，我用咗大約兩日就完成。」
做老本行
連凱續說，剛剛為老友何超儀的驚慄電影完成特技化妝工作，終於有時間休息一下，他滿意的表示：「我入行前其實係特技化妝師，今次可以講係做番老本行。雖然有成十幾年冇做過呢方面嘅工作，但係我好快就上手。」
開油畫展
周身刀、張張利的連凱透露，現正籌備個人畫展，他高興地說：「我計劃六、七月左右會開個人畫展，係我嘅第一次，會以油畫為主，但亦都會有其他類型嘅畫同雕塑。（有咩推動你開畫展呢？）哈哈，靚嘢點解唔同人分享？」
文：專案組
攝：沈健程
髮型：Wing Cheung@Hair Culture
場地：Colors Cafe & Bar