明星義賣二手衫成為潮流，林建明（沙姐）亦加入行列，於本周末跟趙世曾兒子趙式浩媽媽「盈盈」義賣明星二手衫。李嘉欣、容祖兒及成龍等亦提供靚衫及名錶，並以一折起作義賣，認真抵到爛。
「心晴行動慈善基金」一向關注社會民生，日前組織就以沙姐作搞手，於本周末義賣明星二手衫。日前，沙姐跟盈盈及數名「心晴」義工，於辦公室忙於為義賣作準備，處理數以千件的明星衫和飾物。
李嘉欣大力支持
沙姐和闊太盈盈有很大使命感，因為她們的落力可為基金籌錢。沙姐稱，今次義賣二手衫得剛做新娘的李嘉欣大力支持，實在有面。而闊太盈盈亦親自出馬，游說身邊的靚太提供名牌衫義賣，令到貨源充足，相信一定可以滿足一批又想做善事，又愛追捧潮流的人。
自費買入蒸氣機
為處理二手衫，沙姐不惜工本，自費千多元買入一部蒸氣機來蒸衫。她謂：「始終都係二手衫，我哋義工收啲衫返嚟後，覺得好大陣香水味，擺出嚟賣都唔太好，所以，我哋日日除咗mark價錢外，仲要蒸過啲衫。」沙姐又指所有貨物都由原價一折起義賣，完全是益街坊。
文：影視組