本文重點
快將出道廿五年的草蜢，前晚完成七場演唱會，吸引不少圈中好友狄波拉、鬍鬚Kong、張智霖及袁詠儀等到場外，曾傳不和的羅傑承夫婦亦以行動粉碎謠言，更睇足全場，相當支持。
蔡一傑與女舞蹈員嘴對嘴數秒，當蘇志威及蔡一智除衫時，傑仔取笑二人「除得肉酸」，隨即以《擋不住的風情》作伴奏風騷脫衣，露出白色穿窿衫的他笑謂：「姣，都要有本錢嘅！」蘇志威即大講有味笑話指傑仔有「Sexy Hole」。安哥時，三人向觀眾潑水，現場猶如大型嘉年華。
流住恩師嘅血
草蜢特別翻唱多首恩師梅艷芳的快歌，傑仔表示要感謝一個人，相信對方亦有到場：「想同佢講，我哋好掛住你呀，阿梅！相信在座萬幾人都好掛住阿梅，不如我哋一齊同佢講呀！」全場逾萬觀眾即大叫：「阿梅，我哋好掛住你呀！」
三人在慶功宴上，坦言唱師傅的快歌時有很多回憶。對有報道指他們「阿梅上身」，傑仔說：「跟咗佢咁耐，都自然會有啲佢嘅影子，同佢走埠唱咁多次，不知不覺間已經流住佢嘅血。」三子表示下月9日將到新加坡做世界巡迴演唱會首站。
文：音樂組 攝：鄭家俊