HotCha日前到大埔某學校跟專人學習種植菜苗，雖然三女平時揸咪多過揸鋤頭，但卻表現得有板有眼，連工作人員也大讚她們有做農夫的天分。成員Winkie原來自小在田園長大，所以有不少種菜的經驗，她說：「我澳門祖屋後面有一塊田，小時候成日同班堂兄弟一齊落田玩，佢哋仲好鍾意就地施肥，喺我面前除褲屙尿，不過我唔怕睇，都係細路仔啫。」
Regen就話小時候常和爸爸玩種樹，有次看見地下有一條成呎長的蚯蚓，嚇了一跳，她憶述：「我爸爸用棍打條蚯蚓，點知條蚯蚓識射尿㗎。」
至於Crystal則自言沒有園藝天分，記得讀書時，老師要她種豆芽交功課，但她不是種到發霉，就是種死，她說：「呢啲手藝嘢好渣，所以我都係唔適合種嘢。」