Square成員何尚謙（James）與鄧紫棋（G.E.M.）初結片緣，飾演一對情侶。James自言現實中是一名怕醜仔，不敢主動追求異性。問他G.E.M.是否其心儀對象？他直言對方年紀太細，不過亦補充一句：「係都要等佢大個啲先啦。」
何尚謙在新片《愛出貓》中飾演一名花心男，同時擁有兩名女友，一腳踏兩船。日前他與其中一名戲中女友鄧紫棋在髮型屋取景拍攝。劇情講述G.E.M.事事管束男友，連髮型也要過問，十分專制。James表示個人性格與角色不同，現實中其實是一名怕醜仔，甚少主動出擊追求異性，他說：「我自己兩年冇拍拖，我份人好專一，絕對唔會一腳踏兩船。」
模特兒多女追
模特兒出身的James身材高大兼擁有俊朗面孔，難免有不少狂蜂浪蝶埋身，他承認過往有不少女仔垂青，但自己並不是搞搞震之人，他說：「以前拍拖反而係女朋友對我冇信心，成日話我做模特兒有好多女仔追，行街又話有女仔望我，又擔心女仔約我出街，我都唔可以解釋到咁多次畀佢哋聽，難免會影響到大家感情。」
問到與G.E.M.合作會否擔心傳出緋聞，James說：「就算有呢啲都係人哋講啫，緋聞呢啲嘢自己最清楚，亦明白娛樂圈好易有呢啲傳聞。」至於對方是否他的心儀對象？James笑言大家剛剛合作未太了解，而且對方年紀尚輕：「係都要等佢大個啲先啦。」
戀愛經驗不足
另外，G.E.M.表示現實中自己只拍過一次拖，所以拍攝時投入亦有難度，她說：「尤其係喊戲最難，我唔可以話喊就喊到！」問她理想對象會否是James的類型，她表示對方高大靚仔，但不喜歡他戲中那麼花心。 文：影視組