「潮媽」姚嘉妮尚有兩周便為人母，為了紀念這個特別任務，早前找來攝影師影大肚寫真，她揚言可能只生一個，為免他日後悔，故大膽影裸照。
現時已懷孕38周的姚嘉妮（嘉嘉），初期未有想過要拍大肚寫真，但及後想到可能只生一個，懷孕可能只此一次，為免他日後悔，嘉嘉決定要拍寫真留念，早在胎兒六個月時便與老公林祖輝一齊去影，但效果不理想，嘉嘉說：「嗰時個肚得六個月唔算好大，祖輝個肚就成四個月咁大，出嚟效果唔係咁好，後來有攝影師朋友幫自己老婆影咗輯相，好靚，決定再影。」
阿媽契媽監場
影第二輯相時嘉嘉已懷孕36周，而這次祖輝並無同行，且事前知道其中一款相只着褲半裸上身，嘉嘉媽咪及契媽當日負責監場，她說：「當日都驚驚地㗎，但睇咗相，影得好靚、好健康就開心。」大約兩個星期後就會分娩，嘉嘉現在手腫腳腫，但她每日仍蹦蹦跳跳，又跟祖輝跳舞，經常被姚媽媽捉住鬧。
祖輝陪入產房
嘉嘉坦言：「我想快啲生，因為同我預產期差唔多嘅朋友都生晒，個個都開刀生，醫生話我天生盆骨窄，比較難生，不過我覺得如果完全唔痛，好似冇真正感受過，所以會自然分娩。」原來祖輝已準備好攝錄工具陪她入產房，嘉嘉開心有老公支持，但又擔心他被血淋淋場面嚇怕。
問到何時投入工作，嘉嘉謂無綫已邀請她六月參加劇集宣傳，但她擔心未能及時修身，故望有纖體公司贊助幫手。
文：影視組