汪明荃與嘉賓鍾鎮濤（阿Ｂ）昨為《真係阿姐——汪明荃》排練，對於有雜誌指賣飛情況不理想，阿姐笑言：「多謝佢哋幫我谷宣傳，我知賣飛ＯＫ。」阿姐竟以輕鬆態度面對負面新聞，原來全因此自傳式舞台劇：「排練時令我更加了解自己，汪明荃真係好煩，成日乸口乸面發忟憎，做完個劇都會改善下，要做個hea嘅汪明荃，笑多啲，最多返到屋企至發忟憎。」
此外，阿Ｂ昨帶同十四歲大女兒嘉晴出現，問嘉晴可有拍拖？阿Ｂ笑言：「十八歲中學畢業先准拍，我都係廿歲至失身。」不過他坦言很難全面看緊女兒，加上互聯網發達，有時看到學生玩3P、4P或吸毒的新聞也會擔心，惟有不斷灌輸正確觀念予愛女。
