陳偉霆（William）、梁奕倫和小肥等昨日出席新遊戲節目《大咕窿》拜神活動，期間眾人逐一試玩，William和梁奕倫卻竟「出術」將小肥推落水，不過惡人有惡報，二人隨後亦跌落水池，場面惹笑。
問William有否打底？他笑言：「我冇帶底褲，一陣叫小肥除畀我，（可能鬆得滯！）我驚我窄添呀！」他又表示此節目除了歌星、藝員外，亦會邀請消防員、健美先生參與，緋聞女友Angelababy也在邀請之列：「我都有諗過請啲模着泳衣上嚟鬥，（咁你今日又唔着泳褲？）我都唔知要落水。」他又自稱口齒也算伶俐，之前亦曾任兒童節目主持，故對今次任主持一職信心十足。
