本文重點
方力申與鄧麗欣（Stephy，左圖）昨日為電影《機器俠》配音，此片由方力申、鄭中基主演，本來Stephy也榜上有名，但由於該片乃合拍片關係，演員名單要符合配額要求，及後她的檔期又未能配合，最終找來內地女星孫儷頂上，雖然無緣演出，但Stephy相當幫忙，為原定角色的廣東話版配音。
被Stephy話蠢
Stephy說：「我之前睇過劇本都幾鍾意，所以幫孫儷角色配音，希望配之前可以睇睇套戲先啦。」談到小方捲入溝女事件，為免令緋聞女友的她嬲怒，所以於節目中對「美少女廚神」不敢多作交流，Stephy聽後即哈哈笑說：「係咩！都冇關係嘅。（覺唔覺得小方今次好慘？）係教訓，佢不嬲都蠢蠢哋，惟有小心啲，男人都好彩，女仔會驚啲，驚人哋唔知係咩人。」
而受事件影響的小方則一臉疲態，表示只是早起而已，對於事件女主角Rainbow將接受電視台訪問澄清沒有被他追求，小方卻木無表情說：「件事都完啦！冇影響，希望觀眾會留意，今次第一集就已經上封面，就當幫我哋宣傳個節目啦！」