張敬軒昨日推出新碟，一千套限量附送鏈狀USB的精裝版即被炒高達五百九十九元，使軒仔既開心又不安：「我冇諗過啲人攞嚟炒，控制唔到，fans零用錢有限。」
有傳軒仔約滿後會跳槽，他矢口否認：「報道完全失實，啲資料全錯，我同環球仲有兩年幾合約，反而經理人合約就滿咗，我會交畀媽咪做，仲會將另一半經理人約畀埋環球添。」他強調與環球一直合作愉快。
對衞詩本月廿四日要出庭受審，軒仔說：「佢咁耐唔返嚟，個心幾唔舒服，好陰功，我相信日本司法制度，都會留意事態發展，睇吓有咩幫手，行內人要守望相助。」最近他未有跟關楚耀聯絡，他明白對方需時間整理自己。
