雙胞胎命運懸殊

Janice和Jill雖然是孖生姊妹，但命運懸殊，Jill至今仍身陷拘置所，歸期未定。麥玲玲說：「其實中國人喺八字術數方面，都係以單胞胎嚟睇，雙胞胎相對嚟講，命運同遭遇就唔一定均等，可能其中一個多桃花，一個就冇乜。雖然佢哋嘅命運走勢係有近似，但有啲就會好懸殊。」Janice和Jill同於1982年4月13日出世，據麥玲玲表示，該日屬「火」，是「陽」的日子，她說：「通常『陽』對大嗰個（指Janice）着數少少，不過佢哋屬狗，今年刑剋太歲，人際關係會較弱。」