安仔請吳雨食瑤柱贖罪

前晚《勁歌金曲》中，許志安被問到吳雨在《星星同學會》踢爆他當年食了大鮑魚，照樣過檔，他說：「真係吳雨大哥講嘅？記得九六年大哥入主華星，佢約我食飯傾偈，第一道菜就係大鮑魚，咁大個仔未食過咁大嘅鮑魚，仲以為係塑膠嚟，心情又喜又慌，但我好想出國語碟，而正東應承幫我出國語碟，雖然係咁，我覺得大哥依然有大哥嘅風範。（佢重提舊事係怪你？）件事係真嘅就係真，嗰陣我都被華星雪咗九個月，一係我請佢食番粒瑤柱補數。」