周麗淇（Niki）昨日以大使身份出席「親子品牌優秀選2009頒獎禮」，並為活動擔任頒獎嘉賓，Niki身穿一條藍色露背裙，既清爽又帶點性感。
談到前日的兒童節，Niki向記者透露於活動完畢後會為姪女搜購兒童節禮物，她表示希望買兒童歌集送給姪女，因姪女喜歡唱歌︰「佢背晒我CD裏面啲歌。」Niki謂與姪女感情相當要好︰「佢有時放假都會嚟我屋企住，同我一齊瞓，嗰時我成日都想快啲收工返屋企見佢。」
Niki又坦言希望生小孩子，最好是生兩個，一男一女，更笑言︰「最好一次過生啦，修身快啲，我姪女都成日問我幾時生BB，佢話想湊喎！」問到她可會因此更積極找男朋友？她表示會隨緣。
