官恩娜（Ella）將以神秘嘉賓身份，擔任舞台劇《大世界》的女主角，與吳浩康（Deep）合演情侶。Deep坦言恨和Ella有親熱戲，還以為今次得米攞正牌Kiss，豈料導演根本冇安排Kiss的戲份，令Deep「咀」夢成空。
舞台劇《大世界》將於本月22至26日，假香港藝術中心壽臣劇院公演。宣傳海報原本沒有Ella份，只有Otto@EO2、Deep、鄧穎芝、DJ細蘇和彭敬慈等，原來Ella將以神秘嘉賓身份，擔演《大》的女主角，並與Deep合演情人。
唔怕女友呷醋
首次演舞台劇的Deep坦言恨與Ella拍親嘴戲，他笑稱：「我諗佢都幾好咀，有同導演要求過，我本身同導演係好朋友，以為朝中有人好辦事，攞正牌拍Kiss戲，點知佢原來冇安排到，真係有啲嬲。」若然真的有幸與Ella親嘴，會否擔心女友莊思敏呷醋？Deep笑說：「做嘢之嘛，唔會呷醋嘅。」Ella則笑稱：「我識你女友喎，同佢好熟㗎。」Ella表示若劇情有需要，她不會介意拍攝親熱戲，又說：「我依家都冇拍拖。」
餐廳邂逅Ella
日前Deep、Ella、Otto與鄒凱光為《大》綵排，劇情講述Deep飾演的「菩流」，到泰國應徵餐廳侍應一職，並邂逅飾演泰籍華僑的「水晶晶」Ella。由於Deep在劇中不諳泰文，被飾演餐廳老闆的鄒凱光厲聲喝斥：「係咪要畀啲『屎』（泰文『顏色』發音）你歎吓？」嚇到懵盛盛的Deep呆立當場，非常搞笑！Ella表示演舞台劇的經驗不多，她說：「每次同唔同對手或導演合作，都學到好多新嘢。」兼任舞蹈總監的Otto則因劇情需要，電了一個爆炸頭，造型突出。
文：專案組