本文重點
向來予人性感形象的李曼筠，原來相當喜歡入廚，亦鍾情懂得下廚的男人。不過對於過往男友們的廚藝，伊人卻坦言很一般，更有男友的「傑作」令她大為反胃。
李曼筠昨日出席黃埔新天地的《小廚神挑戰賽》活動，即席下廚的她，透露平日亦愛入廚，她說︰「我唔算叻，但我整啲嘢未至於唔入得口，除咗屋企人之外，以前都有煮畀男友食，不過就算唔好食佢哋都唔會出聲。」至於過往男友的廚藝，伊人就有微言，她說︰「試過有次男友煲湯畀我飲，我入口都覺怪怪哋，後來我入廚房見到先知佢煲魚湯，因為我唔飲魚湯，見到都想嘔。」
向媽咪偷師
不過入得廚房的男人仍然能捉住李曼筠的心，她說︰「如果佢識整甜品畀我食，我會加分畀佢，因為我覺得着廚師衫整甜品嘅男人好有魅力。」伊人續稱想參加《美女廚房》，卻又擔心變地獄廚神，因為烏龍的她經常忘記睇火，她說︰「我試過煲湯，點知十碗水煲埋一碗，幾好飲都冇用啦。不過我好鍾意整中菜，平時會向媽咪偷師，依家鑽研緊煲仔飯。」
文︰名人組