本來南轅北轍的陳法拉與諸葛梓岐，因與薛家兩位公子而扯上關係，外界不時比較兩女，兩人昨日首次同場現身，見慣風浪的法拉謂彼此閒時會見面，更主動牽梓岐的手，但梓岐則謂與法拉不識也不熟，明顯未夾口供，不過一說到做親戚，二人卻齊聲說是遙遠的事。
法拉與梓岐分別與薛世恒及薛嘉麟蜜運，有傳兩女鬧不和，昨日法拉與梓岐齊現身CRYSTALLIZEDTM施華洛世奇元素的「水晶愛皮革」活動。對不和傳聞，首先到場的梓岐坦言與法拉不熟︰「我唔知同場，我哋未試過一齊玩，平時冇乜見面，唔係好識，亦冇家庭聚會，如果等陣見到佢我會打招呼。（點睇做親戚一家親？）好遠嘅事，無諗過，亦未試過兩pair人一齊玩。」
有共同朋友
對於性感峰頭不及對方，梓岐讚法拉好靚，並謂不介意合照，男友亦沒有在她面前提起法拉。
之後穿露背裝的法拉現身，並與梓岐合照，又主動牽梓岐的手，二人見面即互相問候。對於性感程度勝過梓岐，法拉說︰「冇話贏唔贏，大家唔同造型，我哋少聯絡，但見過幾次，因為大家有共同朋友，（你哋唔夾口供？）我哋見過兩次。」
對於有報道指薛家兩老較喜歡梓岐，令法拉少奶路受阻，法拉說︰「都唔知有冇機會做少奶，大家見面冇尷尬，雖然兩pair人冇試過一齊玩，但如果有機會都想試吓。梓岐好靚，同佢傾偈覺得佢好斯文好甜。（做親戚？）冇諗，結婚係好長遠嘅事。」
想要聖誕樹
另外，梓岐日前接受玄學節目訪問，透露最想收到男友送的聖誕禮物是在森林生長的聖誕樹，上面要掛滿她至愛的麵包超人，但她說拍過五、六次拖，仍未達成願望。 文：名人組