【本報訊】Apple Watch首發地區包括中港，令手錶炒賣潛力冷卻。旺角先達廣場多間手機店均看淡Apple Watch炒價，至今未收到訂單，坊間認為手錶功能無甚特別，亦呻最貴款式索價約十三萬港元太貴，「寧願買隻『勞』」。有手機店指，即使「炒起」亦只屬平價款式，炒價頂多百餘元上落。
手機店「流動帝國有限公司」楊姓店員直言Apple Watch炒唔起，但總有人貪新鮮及因品牌效應入市，即使炒起亦只屬平價款。手機店「i世代電訊」經理姚先生說，最貴款式香港售價最平，能否炒起的關鍵仍在於來貨多寡，稱「十幾萬蚊隻錶帶返大陸要打稅，加上買得起嘅人通常用嚟送禮，唔志在一萬幾千。」
從事設計業的李小姐直言不會買Apple Watch，認為螢幕太細價錢太貴，有錢寧買其他保值產品。當舖店員吳先生則考慮買Sport版本自用，貪其有智能功能。