陳偉霆打過其中一種

歌手陳偉霆說：「我喺的士聽收音機，聽到話洛杉磯首席驗屍官話MJ死於『他殺』時，我真係O晒嘴兼發火。」他指出，根據報道醫生替MJ打三種不同針藥，其中一針，他本人亦打過，是年少時因做手術而需接受麻醉藥，他打了一針，不用六秒就全無知覺，所以他知麻醉藥的威力。

樂壇人士孫耀威稱聽到消息覺得很震撼，冇預計到，他希望美國警方可以揪出兇手。方大同則稱：「呢個世界上有好同唔好嘅醫生，但醫生係有責任嘅。」歌手杜德偉說：「我位醫生朋友都話，當日幫MJ急救同打針嘅醫生，做法全部錯晒。我依家仲好傷心，我懷念MJ多過一切。」

而本港歌迷會成員Fanny表示，希望美國當局繼續深入徹查，相信全球樂迷都希望獲悉事件真相。她亦相信，事件與米高舉行演唱會造成壓力，及其私人醫生有關，但她認為醫生應有專業判斷用藥分量，不應單靠病人提出需要就施用藥物。