心臟病大細孖重生 快樂成長
愛心不分地域，善長暖意惠澤四方！內地出生的「大細孖」歐顯軍及歐顯國，因罹患先天性心臟病「法樂氏四聯症」，襁褓之中已飽受病魔折磨，於○五年父母由廣西攜子來港求醫。事件經東方日報慈善基金及太陽報愛心基金呼籲下，終籌得手術費。十年轉眼過去，「大細孖」現已升讀小五，與同齡孩童一樣精靈活潑，歐太感激善長慷慨解囊，讓兒子健康成長。
「大孖（顯軍）出世嗰時個心少咗條血管，成日泵唔到血，試過啲指甲、同個嘴都紫晒！細孖（顯國）個心就穿咗個窿。淨係病危通知，我都收過六次！」歐母憶述兄弟二人病況時仍猶有餘悸，病情較嚴重的顯國更一度危殆。歐母坦言與丈夫收入有限，為醫治兩子，不但早已散盡家財，更欠下沉重債務，「嗰時好多人叫我放棄，但我覺得點都要堅持，冇可能唔要自己個仔。」
為尋求一線生機，歐母毅然攜子來港求醫，但手術費可謂天文數字。在最危急之際，經兩報基金連日呼籲社會捐款，掀起廣大善長回響，終籌獲逾一百八十多萬元善款，兩兄弟得以先後接受多次心臟矯正手術及肺動脈移植。
母不放棄 感謝善長慰問
歐母對此大表感動，更形容善長為救命恩人，「除咗善款，善長仲畀咗唔少慰問我哋一家，冇呢啲支持嘅話，我都唔知有冇機會睇到佢哋大！」
顯軍和顯國現已升讀小五，平日精靈活潑，與同齡小孩無異，只需不時來港覆診監察身體。歐母笑指目睹兩子快高長大已心滿意足，寄望「大細孖」學有所成，行有餘力則回饋社會，「社會上好多善長仁翁，就算素未謀面都好，都咁幫我哋。所以我都成日教佢哋，要努力讀書，同埋將來有能力嘅話，就一定要幫番其他有需要嘅人。」
捐款編號：10633
記者：詹海萍、呂耀焜