愛心廊：八旬獨居炳伯 盼籌藥費治眼疾
獨居長者需自我照顧起居，視力退化將對日常生活造成嚴重不便。年逾八旬的陳炳林左眼視力退化多年，右眼近月又證實患上黃斑點水腫，視力每況愈下，除嚴重影響日常生活外，更令炳伯活在恐懼中，坦言「好驚突然眼前一黑就盲咗」。醫生建議接受自費針藥治療保住視力，炳伯卻因無力支付約五萬五千元藥費而向東方日報慈善基金求助，希望善長能伸出援手。
「退休之前我喺碼頭揸吊機，個控制室有成七十呎高，吊起零件嗰陣對眼要好集中，我啲眼力咁好，點都估唔到對眼會退化得咁快……」談及往日工作點滴時，炳伯即一臉自豪，惟念及被眼疾纏繞、苦無力醫治時，旋即流露擔憂之情。炳伯指左眼早年已開始退化，近月發現右眼視力突然轉差，入院檢查後即證實患糖尿性黃斑點水腫，自此每逢外出以至日常生活皆備受影響。
自確診右眼患病後，炳伯坦言一時間難以接受事實，更益發懷念過去於附近地區晨運、到茶樓品茗的生活，「連右眼都唔係幾睇到嘢之後已經唔太敢出街，每次出街之前都要袋一張寫住屋企地址嘅卡片傍身，真係好驚突然眼前一黑返唔到屋企個感覺！」事實上，年事已高的炳伯一直過着獨居生活，視力每況愈下，日常起居已難以自理，「老人家成日感冒，一感冒睇啲嘢就會又矇又黑，試過有一次喺附近商場兜足幾個鐘都返唔到屋企，最後要報警搵差人幫手！」
如廁睇唔清 曾跌倒入院
經檢查後，醫生建議炳伯接受自費藥物治療，冀可保住視力。得悉「有得醫」後，炳伯一度以為終雨過天青，但當獲告之藥費高逾五萬元後，即大感無助，「個個月啲綜援金都係掹掹緊，邊度有錢剩？依家冇人冇物眼又矇，真係好難照顧自己，最近連日曆上面啲數字都睇唔到，又試過去廁所睇唔到個壆跌親要入醫院，希望咁多位善長幫吓手啦！」
香港眼科醫院發言人證實，病人右眼患上糖尿性黃斑點水腫，建議接受眼內注射「愛亮視」以控制病情，每次注射費港幣一萬一千元，共需注射五次。發言人又稱，倘病人未能接受有關治療，視力可能會轉差，而注射治療的目的主要是穩定視力及減低致盲風險，並有可能需要在日後再次接受注射。
捐款編號：12657
記者：陳瑋珩