眼疾纏半生 玲姨瀕盲待援

黃斑病變逼辭工

六十一歲的玲姨三十年前從內地到港生活，一直獨身至今。玲姨憶述多年前因視力不佳而無法覓得穩定工作，及後獲一間位於深水埗的餐廳聘用為侍應，雖然「慢手慢腳」，幸未為同事嫌棄，更如家人般照料有加，終可靠「一隻眼」自力更生，即使獨居於深水埗天台屋、「成世睇嘢都矇查查」亦心滿意足。

然而，本身有心臟病的玲姨約於十年前發現左眼視力開始變得模糊，向香港眼科醫院求診後，證實患上黃斑病變。面對視力再度惡化，玲姨只能辭去侍應工作並改靠綜援金維生。接受手術後視力不再惡化，加上獲編配公屋單位，生活總算安定下來，更與街坊相處融洽。

常撞至手腳瘀傷

原以為生活與病情終可穩定下來之際，玲姨的左眼又於前年出現視網膜破損，接受多次手術後，左眼視力已所剩無幾，現時更需靠放大鏡閱讀信件，「依家睇嘢只係得個影，有時行路都會畀地下凸出嚟嘅石頭（卓戈）倒，搞到啲手腳瘀晒。」玲姨今年二月初到眼科醫院覆診時，左眼確診患上脈絡膜血管增生，眼底並有出血現象，「醫生鬧我做乜睇嘢差咗唔即刻嚟睇，我都得啖笑咁答佢，話我成世人睇嘢都矇查查，都唔知原來又嚴重咗！」

香港眼科醫院發言人證實，病人左眼患上脈絡膜血管增生，眼底並有出血現象，現時視力低於兩成，右眼視力約為五成。主診醫生建議病人於左眼接受眼內注射自費針藥「樂明睛」（Lucentis），每次注射費約為一萬一千元，是次療程共需注射三針，以穩定病情及減低病人致盲風險。病人倘未能接受有關治療，視力可能轉差。

捐款編號：12662

記者：蘇敏婷