王伯喪子 愁對殮葬費
「去到醫院都趕唔切見阿仔最後一面，連最後一句說話都講唔到……」面對愛子裕亨冰冷的屍身，王嗣亮腦海只有一片空白，勞碌半生只待兒子出身，原以為終可放下心頭大石，卻突然傳來噩耗，年過花甲的王伯僅靠兼職保安員微薄收入維持生活，因無力負擔兒子殮葬費而向東方日報慈善基金求助，希望能令兒子早日安息。
二十七歲的裕亨去年參加澳洲工作假期，早前返港，原擬與父親結伴到台灣旅行，未料日前卻突然昏迷，經搶救無效離世，至今仍未知死因。「依家我當佢移咗民先可以撐落去，阿仔仲有夢想未完，排隊都明明係我去先，點會係阿仔？」王伯十多年前喪偶，獨力撫養兒子成人，一直堅持兼職自食其力，終盼得裕亨歸來，惟天意弄人，死神竟突然帶走裕亨。
王伯收入微薄，生活捉襟見肘且無積蓄，希望獲善長能雪中送炭，協助其辦理兒子後事。
捐款編號：12573