半癱漢盼重置熱水爐
「我都估唔到自己咁長命，咁就廿六年，依家算係賺咗啦！」現年五十九歲的陳連才原為搭棚工人，二十六年前於工作期間不慎失足自十五樓直墮地面，雖逃過死神魔掌，但從此下身癱瘓，須靠輪椅代步。阿才其後雖獲工傷賠償，惜至今已告耗盡，積蓄亦所餘無幾，需申領綜援維生。
「缸水唔夠沖涼」
意外發生後，阿才未有自我放棄，一直接受康復治療，日常生活總算能靠雙手自我照顧。不過，近年身體日漸虛弱，開始無法自理，連洗澡亦要由義工協助，「早排醫生話我脊髓有積水要做手術，點知做完手術，手就冇晒力，依家過床都要靠人幫。」
阿才指平日洗澡乃生活一大難題，由於現有儲水式電熱水爐已使用超過十年，預熱需時且儲水容量小，「煲一次水要成半個鐘，我下身又癱咗，控制唔到大小便，一缸水真係唔夠沖涼。」靠綜援金過活的阿才坦言無力重置，希望透過東方日報慈善基金呼籲善長協助，得以購置煤氣熱水爐。
捐款編號︰12502