抗癌瀕斷藥 有叔求施援

「嗰陣肚屙咗好耐，仲以為係腸胃炎好小事，點知一檢查就話我有癌症。」突如其來的噩耗不但令有叔方寸大亂，生活更頓起波瀾。五十三歲的有叔原為貨車司機，一直努力儲蓄，希望與妻子到內地開設港式茶餐廳。未料計劃實現在即之際，竟遇巨變，「發病之前仲宣咗誓，連強積金都拎晒嚟搞生意，但依家有病搞唔成，仲要賠番裝修費畀拍檔，十幾萬積蓄就咁冇晒！」

礙於身患頑疾，有叔須即時回香港生活，並靠來自內地的妻子不斷穿梭中、港兩地以作貼身照顧。記者到訪時，有叔欲站起來招呼，惜簡單如「起身、坐低」動作已費盡力氣，稍一郁動均令有叔痛楚難當，「足足瘦咗六、七十磅，坐或者瞓得唔好就會頂到個腫瘤，真係痛到入心入肺，依家連落樓下都要坐輪椅。」

整療程涉一萬三千二百元

隨着病情急轉直下，自費標靶藥已是唯一希望。綜援的申請尚未獲批，有叔目前只靠每月約一千七百元的傷殘津貼維生，即使用盡儲蓄亦未能支付藥費，「出咗事先知原來咩都係錢，就算命都要用錢買，唔通冇錢，明明有藥都要等死？」雖曾氣餒，但有叔未放棄，只望善長施援，以求一線生機。伊利沙伯醫院發言人證實，病人於去年十二月接受電腦掃描及活組織檢查後，證實患上膽囊癌，癌細胞亦已擴散至肝臟。醫生建議病人接受六個周期的紓緩性化療，當中Gemcitabine屬自費藥物，每周期約需二千二百元，即共涉一萬三千二百元。發言人又稱，倘病人未能接受治療，癌症將會持續惡化，有可能致命。

捐款編號︰12528

代郵

堵安常家人﹕本報接獲讀者捐款以示慰問，煩請致電3600 9988與記者馮先生聯絡，以便處理善款事宜。

記者︰呂耀焜