四壁蕭條伍伯一臉愁容
近年香港獨居長者人口激增，當中不乏貧病交加，亟需社會關心與支援。年屆八旬的伍德仰勞碌半生，早年因長期患病無法工作，一直寄人籬下並靠綜援維生，意外跌倒後更變得行動不便。苦候多年，伍伯早前終獲編配公屋單位，卻囿於經濟無力購置家具，面對一室蕭條而大感無奈，希望透過東方日報慈善基金呼籲善長施援，以協助建立安樂窩。
「知道可以上到樓真係好開心，但一諗到冇錢買傢俬就好彷徨……」伍伯面對空無一物的蝸居時，即時流露一臉愁容。伍伯年輕時曾從事多個行業，因受糖尿病及心臟病等長期病患困擾而提早退休，現僅靠綜援金維生，「文員、司機、保安乜都做過，如果唔係身體唔好都唔想咁早退休！」
一直過着獨居生活的伍伯原來曾經擁有一個熱鬧的家庭，與前妻育有七名子女，可惜一家九口共同生活的時光隨着離婚而消失，多年來更未有再與妻兒聯絡，「後生嗰陣成日掛住做嘢，忽略咗老婆仔女，依家都冇得講後唔後悔，始終路係自己行嘅……」近年租金持續高企，伍伯在等候上樓期間幸獲朋友收留，雖「有瓦遮頭」但心仍漂泊。
早前伍伯終獲編配公屋單位，正為終於擁有自己的家而欣喜之際，卻為無法添置日常家電而發愁，「每個月幾千蚊綜援都係掹掹緊，都唔知邊度搵錢買傢俬同電器，依家都仲要由將軍澳搭車出深水埗，返朋友屋企先有得沖涼，餐餐都只可以食公仔麵。」禍不單行，伍伯近日因跌倒而四肢受傷，行動大為不便，再加上家中長期「百冇」，令起居生活更添障礙。
「抹吓身當沖咗涼」
「依家唔行得遠，每日都只可以留喺屋企，好多時用布抹吓身就當沖咗涼。」伍伯日前雖獲志願團體轉贈二手睡床及雪櫃，但其他家電及家具則仍有待籌措，希望善長解囊襄助，令伍伯早日解困。
捐款號碼：12517
記者：伍思明