雪櫃整唔番 周伯求「新」
七十歲的周錫祥靠綜援金維生，為了「慳得就慳」，家中的二手雪櫃亦是數年前從鴨寮街購買。不過，雪櫃月前終告損壞無法使用，周伯苦無對策，「原本諗住拎番去整，但佢哋話連工包料再加埋運輸都要五百幾，咁同買過部二手都差唔多價，不過再買過部二手又唔知用得幾耐！」
想修理苦無零件
周伯原擬自己動手維修，可惜苦無工具與零件。原來，周伯過去曾經在澳洲生活，更是電子及機械工程專才，家中小電器一旦損壞皆會自行嘗試維修，「盞枱燈燈座爛咗企唔到，咪搵個雪糕盒改裝囉，唔使掉咗佢咁嘥！」
六十歲才回流香港的周伯坦言，曾打算到內地以自己的知識大展拳腳，可是遇人不淑，被騙去不少積蓄，「個個都淨係識飲茶灌水，只怪自己識錯人……」垂暮之年無法重投職場，周伯用盡積蓄後惟有申領綜援度日。面對二手雪櫃「整無可整」，周伯希望透過東方日報慈善基金呼籲善長施以援手，協助重置。
捐款編號：12440