「粒粒顯關懷」長者暖在心
「粒粒皆辛苦」訴說農夫種米辛勞，呼籲人們珍惜糧食。在現今物質豐富的香港，普通家庭未必能了解箇中道理，但已失去工作能力的長者卻深明一碗白飯得來不易。東方日報慈善基金「粒粒顯關懷」贈米計劃自九八年起，每月透過長者住屋及長者中心向約六千名長者送贈白米，減輕長者生活負擔的同時，亦傳達善長對長者的關懷心意。每多一名善長捐助，將有更多長者受惠。
現年八十四歲的劉金娣已領取贈米近十年，不忘感謝善長無間斷的捐款，令她每餐得享既香又軟的白飯，亦因此特別珍惜每粒米飯，「我一粒米都唔會嘥o架！細個嗰陣時要打仗，番薯都未必有得食，所以有飯食已經好幸福！」金娣以往常到長者中心做義工，惟自從患有骨刺後因行動不便而減少做義工，「有能力我都想幫到有需要嘅人，好似《東方》嘅善心人咁個個月捐錢，我哋先至有咁靚嘅米食。」
「乜都貴咗好多」
「你哋真係好好，個個月都送米畀我哋食，真係好開心呀！」與金娣情同姊妹的劉金萍今年七十五歲，同樣領取贈米近十年。十多歲開始便打住家工的金萍自幼便練就一雙巧手，過去烹調過百道菜餚，現在卻只是每日早上煮一頓飯，然後「食足三餐」，「乜都貴咗好多啦，都煮唔到咁多餸啦，簡簡單單煮一味就夠食，有時仲同其他老友記一齊食，咁咪多啲花款囉！」金萍指每月獲贈白米令開支減省不少，亦能減輕經濟負擔，故對善長無私捐助深表謝意。
天慈邨長者住屋社監劉姑娘指出，長者每個月都十分期待贈米日子的來臨，認為「粒粒顯關懷」贈米計劃除可實際解決長者生活需要外，更具意義者乃令長者感到備受關懷，「多得東方咁多年嚟一直送米畀老人家食，等佢哋起碼唔使擔心買米嘅問題，不過佢哋最開心都係知道有善長記得佢哋同關心佢哋。」劉姑娘希望善長能繼續支持「粒粒顯關懷」贈米計劃，以令更多長者得到幫助及支持。
捐款編號：16333
記者楊育輝