東邊街車禍重傷工人 逐漸康復
於東邊街致命車禍中遭溜後貨車撞至重傷的裝修工人杜漢雄，接受兩次大手術後，情況已趨穩定，「依家佢可坐起身，但係仲未行到，下身都係冇力。」意外發生後不少善長捐款支持阿雄以示慰問，東方日報慈善基金日前便將接獲的一萬四千元善款轉交杜太，「好多謝善長咁關心我哋，呢筆錢真係幫輕我哋好多。」
杜太現時每日風雨不改，到康復院探望丈夫，並指目睹阿雄體重較意外前暴跌近二十磅而大表心痛，但眼見丈夫逐漸康復，總算是放下心頭大石。
「唔想靠政府 冇申請綜援」
阿雄雖然暫時出院無期，但杜太指丈夫現正積極接受物理治療，進度亦十分理想，即使左手食指已無法駁回，但仍希望出院後能重操故業，「佢始終想自力更生，唔想靠政府，所以都冇申請綜援，依家靠積蓄同啲仔女都仲可以支持到！」對於各方善長的關心，杜太衷心致謝。
捐款編號︰12252