「好波！好波！晨曦好波！」當一行二十多人的晨曦球員浩浩蕩蕩到達其中一個受惠機構──元州邨長者屋時，數十名長者隨即起哄、表現雀躍，平日雄赳赳的球員亦放下「波牛」的粗豪，與長者們大玩遊戲，令平日冷清清的長者屋即時熱鬧起來。

晨曦體育會會長周文亮與長者閒話家常後表示，每當「大時大節」獨居長者的孤寂感尤其強烈，「個活動真係好有意義，雖然送嘅唔係啲咩貴價食物，但啲長者已經好開心！」周文亮希望能藉是次派米活動，讓長者感覺仍受廣大社會人士關懷。

隊長首次做義工 感觸良多

八十三歲梁中柱受眼疾及耳鳴影響，自嘲「眼又矇、耳又聾」，自十多年前切除半邊肺部後，健康更每況愈下，「唔好話過年，平時我都好少出街，新年通常都係孤零零咁過，今年有咁多人嚟探我，梗係開心啦！」梁伯退休後依靠綜援金過活，面對物價不斷飆升，開支須量入為出，「好彩每個月都有《東方日報慈善基金》送嘅米幫吓手，如果唔係皮費仲重！」

晨曦足球隊隊長陳耀麟坦言今年乃其首次參與義工服務，並對探訪長者服務感觸良多，「我覺得啲長者好需要多啲人關心，希望透過今次探訪，畀到佢哋一啲歡樂，而我哋亦想盡一分力服務社群！」

「班球員練波咁忙都嚟探啲長者，真係有心！」元州邨元康樓長者屋舍監楊玉琼表示，長者屋大部分長者均領取綜援，生活平淡，難得有甲組足球隊到訪，令長者喜出望外。

外援雞同鴨講斗室滿笑聲

球員慣在球場上衝鋒陷陣，探訪長者時卻盡顯柔情一面，愛心爆棚。「咁多人嚟探我，又送米又送年糕，仲陪我傾偈，真係好開心﹗」七十五歲的貝姨獲羅拔圖及蘇偉泉親臨探訪，雖然與外籍的羅拔圖「雞同鴨講」，但透過身體語言及面部表情，雙方竟然大談中國功夫，令斗室笑聲不絕。

「個個月有米送幫補唔少」

外號灰熊的蘇偉泉因「家有一老」，對跟長者相處之道頗有心得，「只要多啲就吓老人家，佢哋就會好開心﹗」蘇又指贈米活動甚具意義，希望能夠以身作則，感染年輕人多點關懷長者。

魏釗與山本朝陽提早向八十五歲的麥能拜年，令老人家開心至笑不攏嘴。麥伯十二歲隻身來港謀生，在茶樓任樓面近六十年，每天工作近十三小時，深知「搵食艱難」，對食物特別珍惜，「平時都會好慳，一餐煮埋食三餐，個個月有米送真係幫補唔少！」魏釗與山本朝陽坦言，對麥伯數十年來日日超時工作均自嘆不如，更笑言每天隨隊集訓數小時已疲累不堪，對麥伯深表佩服。