「我冇食煙、冇飲酒，都唔知點解同癌症咁有『緣』？」關伯十多年前曾患上鼻咽癌，憑藉頑強意志與癌魔作戰，終於康復。可是，兩年前關伯經常咳嗽並出現血絲，經反覆檢查，去年十二月證實患上第四期肺癌，雖曾嘗試服用多種藥物治療，惜病情仍未見起色，「試過幾隻藥都冇效，醫生話試吓口服化療藥，但啲藥每個月要成萬蚊，我邊有咁多錢！」

無力月付逾萬元開支

關伯原是地盤工人，證實患上肺癌後已被迫退休，積蓄亦因購買自費藥物而所餘無幾。「佢份人唔多鍾意出聲，但咁多年嚟為咗改善屋企人嘅生活，從冇一日話過辛苦！」關太與丈夫結婚近卅載，感激丈夫多年來一直默默為家庭付出。關氏夫婦育有兩名子女，廿五歲的長子已離家自立；而廿四歲、患有輕度智障的幼女則居於智障人士宿舍，兩老現靠綜援金維持生計。

「原本我好鍾意跑步，依家個病愈嚟愈嚴重，連行都行唔到！」關伯病發後常感疲倦並食欲不振，平日多留在家休養。關伯指威爾斯親王醫院醫生建議服用自費化療藥物以改善病情，服用時間長短更須視乎治療進度，關伯因無力負擔每月逾萬元藥物開支，向東方日報慈善基金求助，希望善長能協助再創奇迹，「如果有錢買藥食，我會好努力咁打呢場仗！」

捐款編號：11783

洗衣機失靈蘇婆婆受苦

「我年紀大咯，兩隻手都冇晒力，要洗好耐先可以洗完一盆衫，真係好辛苦！」八十二歲的蘇翠賢，十年前不幸罹患鼻咽癌，受多次電療影響，雙耳因受損已幾近失聰，需佩戴助聽器與外界溝通。近日連使用多年的洗衣機亦突然失靈。蘇婆婆因無力重置而要以手代勞，苦不堪言。

蘇婆婆身世坎坷，四十六年前與姪女由內地來港，兩人於工廠任職賺取微薄薪金餬口，生活清苦。好不容易捱過數十寒暑，未料晚年卻患上鼻咽癌，接受多次化療後，病情才告穩定下來。

「每個月綜援金掹掹緊夠食，邊有多餘錢再買番洗衣機？惟有啲老骨頭辛苦啲！」婆婆希望東方日報慈善基金呼籲善心人士伸出援手，協助渡過難關。

捐款編號：11738

記者梅可茵