四十九歲的其哥接受自費藥物治療初期，病情一度好轉，但是未幾情況則變得反覆。記者於其哥離世前數天曾往醫院探望，甫一見面，其哥即含淚說：「我真係好擔心，擔心老婆同對仔冇人照顧。我唔怕死，最怕佢哋日後嘅生活唔知點……」在旁的蘇太強忍淚水，更不時鼓勵丈夫努力抗癌，惜最終仍回天乏術，蘇太在丈夫臨終前更承諾會好好照顧一對兒子。

「以前我日日都會帶湯去醫院畀老公，依家囝囝仲係成日叫我攞湯去醫院探望爸爸。」蘇太指三歲的幼子現時仍每天嚷着要見爸爸，儘管每次均耐心地向他解釋死亡的意思，但幼子似懂非懂，每晚仍呆立窗旁等爸爸回家，每次均令新寡心如刀割。

雙程婦獨力照顧兩子

其哥生前任職裝修工人，近年經常開工不足，收入僅可餬口，難有積蓄，自患病後更無法工作，需靠綜援維生。丈夫患病期間，蘇太不時持雙程證來港探望及照顧兩名兒子，現年十歲的長子乃其哥與前妻所生，但是蘇太仍視如己出，愛護有加。「我一個女人乜都唔識，又未批到嚟香港，我又唔捨得將兩個仔交畀社署，依家惟有見步行步！」

由於社會福利署發放的殮葬津貼不足以支付殮葬開支，東方日報慈善基金了解情況後，已將個案轉介予東華三院，以協助蘇太辦理殮葬事宜，至於往後的生活，則有賴善長施以援手。

捐款編號：11785

愛心回應

陳伯受腳部骨枯影響，需靠拐杖輔助步行，平日多留在家中。近日天氣酷熱，溫度達攝氏三十度以上，但陳伯家中唯一的風扇卻突然失靈，「依家日日都咁熱，出面一啲風都吹唔到入屋，冇咗部風扇真係好慘。」

得悉陳伯情況後，基金即時將善長捐出的電風扇轉送陳伯，「部風扇有得校快慢、又可以轉，仲有得校時間，唔使驚瞓着咗唔記得熄咁危險，真係好好呀，多謝晒！」

陳明：72歲

求助物品：電風扇

捐款編號：11010

■記者 許紹基