阿曉原於內地任職美甲師，年前經友人介紹下認識現年五十四歲的丈夫阿年。雖然阿年為聾啞人士，與別人溝通存在困難，但與阿曉相處時，竟出奇地融洽及心靈相通，「有時單憑一個眼神就知佢想點」，兩人最終打破所有障礙，結成夫婦。

「奶奶唱歌氹我瞓」

原以為幸福已緊握在手，但厄運竟搶先抵埗。阿曉去年底獲批單程證來港與夫團聚，並與家姑同住，未料來港僅數月卻證實患上子宮頸癌，一下子將阿曉打垮。對生命充滿期待的阿曉隨即接受電療及化療，希望戰勝頑疾，奈何病情未有起色。猶幸丈夫一直在旁支持，家姑更無微不至地時刻照顧，令阿曉感動不已。

「奶奶對我好好，有時夜晚痛到瞓唔着佢仲會唱歌氹我瞓；見我大汗又幫我喺背脊攝條毛巾抹汗，真係好細心。」感激家人照顧的同時，阿曉亦對成為家人負累而深感愧疚。由於來港不足一年，阿曉未符合申領綜援資格，現時家庭經濟只靠家姑及丈夫兩人的綜援金維持，令生活更形吃緊。

可惜禍不單行，阿曉最近覆診時，發現癌細胞擴散至淋巴，醫生建議接受新的化療藥物，六次療程合共費用九千六百元。阿曉因無力支付，擔心隨時失去治療機會，盼望善心人士施以援手，延續性命。

捐款編號：11780

丈夫燒炭阿蓮愁殮葬

四十四歲的廚師陳德財，早前燒炭自殺身亡，妻子懷疑丈夫生前因為工作不如意，加上飽受糖尿病困擾，惜多次好言開解，仍未解開丈夫心結，「佢生前將最好嘅畀我哋，但係佢嘅後事我哋就冇錢搞，真係好對佢唔住！」

東方日報慈善基金撥兩萬

阿蓮曾經歷婚姻失敗並育有一子，但阿財未有嫌棄，並視繼子阿鏗如己出，令阿蓮深受感動，「佢知我唔鍾意出街食飯，返完通宵返到屋企，仲會煮飯畀我帶返公司食。」

阿蓮憶述，任職廚師的阿財廚藝了得，不但令阿鏗對烹飪產生興趣，更協助報讀廚藝課程與傳授烹飪技巧。阿鏗坦言對繼父心意銘記於心，「佢教咗我好多人生道理，我會生性做人報答佢！」阿財生前工作不穩，阿蓮則任職服務員，而阿鏗則剛當上廚房學徒，一家三口收入僅夠生活開支，難有積蓄。東方日報慈善基金了解情況後，已從「無力殮葬」專戶撥款二萬元直接向殯儀公司支付有關殮葬費用。

■記者　黃詩雅