○六年是阿華悲喜交集的一年，「嗰時囝囝啱啱滿月，跟住冇幾耐就驗到有鼻咽癌。」阿華接受連串治療後，病情漸趨穩定，旋即復工賺錢養妻活兒。不料，阿華於今年三月發現頸部有不尋常硬塊，經檢查後，證實癌細胞已擴散至鼻竇及肺部，「我有諗過會復發，只係冇諗過會咁快！」

「佢哋交租都冇能力」

阿華自言不怕死亡，只擔心妻兒日後生活失去依靠，「個仔今年先得三歲，太太仲拎雙程證嚟香港照顧個仔，萬一我有咩事，佢哋就連交租都冇能力。」對妻兒萬分不捨，阿華再開展艱苦的化療療程。「打咗頭三針，醫生話好有效，嗰時我好有信心會醫好。」

但正當療程將近完成之際，竟發現藥物失效，醫生建議使用自費藥物控制病情。「依家攞緊綜援，又做唔到嘢，成七萬幾蚊冇可能畀到。」窮途末路，曾任職旅行團攝影師的阿華決定厚着臉皮向友人商借，惟不少舊同事均受金融海嘯影響，致自身難保，「親戚、朋友都話錢真係幫唔到，最多都只係幫手照顧吓個細路。」

伊利沙伯醫院發言人證實阿華癌症復發，並擴散至肝臟、鼻竇及頸部淋巴。醫生建議採用Gemcitabine作紓緩性治療，療程每三星期一次，每次約九千元，倘病人對藥物反應良好，整項療程需約六至八次。

捐款編號：11760

雪櫃失靈林伯煮食難

「如果唔係對腳拐吓拐吓行唔到，我都唔會退休住！」七十八歲的林炳南，一直靠雙手賺取生活，惟十年前遭貨車撞傷雙腳致行動不便，才被迫退休。

林伯受腳患困擾，平日鮮有外出，但每日仍會自理三餐，「打工嗰陣成日做粗重嘢，身體好好，依家一唔做嘢，啲老人病就出晒嚟，所以更加想自己煮食，起碼健康啲！」可惜，賴以協助冷藏食物的好拍檔──雪櫃，早前突然故障頻生，現更無法使用，「個雪櫃由八八年用到依家，冇乜冷氣，雪雞蛋仲勉強可以，其他嘢就好快變壞。」林伯希望善心人士可施以援手，協助重置雪櫃。

捐款編號：11750

記者莫麗珊