儘管近年百病纏身致行動不便，可幸阿玉天生性格樂天，從未怨天尤人，「我咁辛苦捱大啲仔女，依家五十歲都唔夠，我唔想就咁變咗殘廢！」現年四十九歲的阿玉，年輕時於夜店任職，因飲酒過量導致胃出血及胃潰瘍，直至遇上生命中的另一半才嫁作歸家娘。阿玉婚後共育有三名子女，以為美滿生活指日可待，怎料幼子剛滿兩歲，僅維持了九年的婚姻竟離異收場，養育子女的重擔亦由阿玉一人扛起。
「嗰陣淨係知道要搵錢養家，洗碗、包裝、車衣、執房都做過，要一日打兩份工先夠開支！」阿玉勞碌多年終將子女撫養成人，但因幼子出生未幾即發現賀爾蒙失調，並漸變病態性肥胖，僅有五呎四吋身高，體重卻達二百磅，「糖尿、血壓高、血脂不良、腰背痛、胃液倒流、靜脈栓塞等樣樣齊，真係食藥都食到怕！」
「對腳無法負荷咁重」
經常進出醫院覆診及治療，令到阿玉的綜援金長期入不敷支，「啲仔女嘅生活都係咁艱難，即使顧唔到我，我都唔會怪佢哋！」經歷過人生跌宕，阿玉深諳生死有命之道，因此決意要珍惜每寸光陰，亦以意志力對付各種病患帶來的痛楚。
然而，主診醫生指阿玉倘若未能接受腹腔鏡部分胃部切除手術改善體重，病情將會惡化及引發併發症，「醫生話我對腳冇辦法負荷咁重，可能會變成傷殘，下半生要喺輪椅上度過……」
「我父母已經七、八十歲，唔想佢哋再擔心我，亦唔想以後都要坐輪椅。」然而，阿玉的子女均收入微薄，無法協助籌措近三萬元手術費，「我依家一日淨係食兩餐，一來慳錢，二來想減肥，可惜減極都減唔到，呢個手術可以話係我最後嘅希望。」
捐款編號：１１７２０
■記者：黃詩雅
電視失靈 獨居翁更寂寥
人生七十古來稀，對於現年七十四歲的江漢雲來說，踏入古稀之年還要面對經濟壓力，只能以無奈二字來形容。
江伯年輕時任職船員，過着四處漂泊生涯。自廿多年前退休後，才能重過「腳踏實地」的生活，惜與妻子因聚少離多最終離異收場，晚年孑然一身，每日與電視為伴，以電視節目打發時間。然而，陪伴多年的電視機近日無故失靈，畫面只餘雪花。
「我冇人冇物，平日都係靠睇電視打發時間，依家連部電視機都壞埋，只係可以望住四幅牆！」百病纏身的江伯患有糖尿病、風濕及心臟病，又因腳患需以拐杖伴行，平日鮮有外出，電視機遂成消閒最佳良伴，「每個月得二千幾蚊綜援，食都差啲唔夠，仲邊有錢買過部電視機！」江伯能否重獲最佳良伴陪伴度日，有賴善長伸出援手。
捐款編號：１０３００