東方日報慈善基金太陽報愛心基金領匯合辦
天水圍2000人喜獲愛心福包

第二階段活動將透過天水圍區社福機構，向區內低收入家庭派發福包，其中一次在天澤商場舉行的福包送贈活動，就有一百名受惠者出席。

家庭收入微薄的陳太表示，平日為了節省家庭的開支，自創「慳錢大法」，「食剩嘅雞頭、雞尾，可以用嚟煲湯，唔使嘥之餘個湯又香！福包入面嘅麵同餅乾好啱食，真係多謝晒。」

領匯高級物業組合經理趙坤宣指，領匯轄下停車場與商場分布港九新界，與無數香港人為鄰，不時會透過慈善公益活動回饋社會，「今次同東方日報慈善基金、太陽報愛心基金合作，透過唔同機構向全港基層家庭送出福包，送嘅唔單止係禮物，仲有好多關懷同歡樂。」

香港中華基督教青年會為其中一個受惠機構，該會程序幹事符永慧指出，天水圍區內約有七百個南亞裔家庭，礙於父母不諳中文，只能從事地盤或保安等職位，收入有限，加上區內缺乏專為南亞裔兒童入讀的學校及設施，面對社會支援不足，是次活動對社會融和與支援弱勢社群意義重大。

「入面咁多食物 幫補唔少」

「呢區啲食物好貴，食碗雲吞麵都貴過元朗，平時都要慳住使，福包入面咁多食物，可以幫補唔少，真係多謝晒！」七十五歲的馮伯捧着滿滿的禮物包連聲稱謝，喜悅之情溢於言表。

對於領匯高級物業組合經理趙坤宣及其他義工一同造訪，馮伯夫婦坦言受寵若驚，馮太更笑不攏嘴地說：「有禮物包又有人陪我哋傾偈，真係好開心！」

「真係好開心」

馮伯遷入天水圍至今已逾八年，屬名副其實的開荒牛，亦見證着整個社區的發展，「呢度空氣好好，住就唔錯，交通都比以前改善咗好多，不過社區設施就真係唔多夠。」馮伯及馮太希望政府能投放更多資源發展區內設施，勿令他們變成被遺忘的一群，「今次東方同領匯嚟探我哋，證明仲有好多人關心我哋，真係好開心、好感動！」

感受社會關懷

「領匯區區有禮樂滿腹」活動共分六個階段舉行，旨在向低收入家庭與有需要人士送上點點心意，讓他們在艱難的生活中仍能感受到社會的關懷。整個活動將共送出一萬二千個福包，當中分別載有白米、麥片、湯包、蝦子麵、梳打餅及實用小禮物等，透過來自各區的志願機構送贈予低收入家庭及長者。完成天水圍一站行程後，愛心大隊將馬不停蹄，繼續前往全港各區，將關懷及福包送到更多有需要人士手上。

捐款編號：16333

鐵閘閂唔埋 李伯擔驚受怕

「你點解唔返屋企要瞓街呀？」社工一句窩心的問候，令露宿街頭多年的李華強突然醒悟，終脫離瞓街的日子。可惜重返家園之後，一個空置多年的斗室四壁蕭條，鐵閘更因日久失修而無法關上，令到李伯終日擔心招來竊賊，「仲危險過瞓街」。

現年六十五歲的李伯，以往一直居於父母舊居，對於當日選擇露宿街頭的原因，李伯則不願多談，他說：「瞓街都有成十年，返咗嚟都差唔多一年。依家淨係想整番道（鐵）閘，唔使成日擔驚受怕。」

李伯表示，曾有義工代向鐵閘公司查詢價格，獲悉購買鐵閘連安裝，需費約六千多元，「咁多錢邊有能力畀，人哋話冇（持）牌嘅會平啲，但冇牌又未必安全，唔啱規格仲會畀人告。」李伯希望善長能伸出援手，協助重置鐵閘，為居所加添保安防線。

捐款編號：１１６９６