「玫瑰露夠香！高梁酒夠勁！五加皮夠醇！」相信有番咁上下年紀嘅朋友，應該都會記得呢個經典嘅酒類飲品廣告喇！提到五加皮，大家又知唔知道係咩嚟呢？佢別名叫南五加，係五加科落葉小灌木細柱五加嘅根皮，主要產地為湖北、河南、安徽等地，味辛、苦，性溫，歸肝、腎經，具有補中益精、祛風濕、強筋骨等功效。
唔少中醫典籍都有記載五加皮嘅功效，如《別錄》指：「療男子陰痿，囊下濕，小便餘瀝，腰脊痛，兩腳疼痹風弱，五緩虛贏，堅筋骨，強志意。」而《本草再新》則稱：「化痰除濕，養腎益精，去風消水，理腳氣腰痛，治瘡疥諸毒。」
此外，五加皮含揮發油、鞣質、棕桐酸、亞麻仁油酸及維他命A及B1，具有增強免疫力、調整血壓，仲有興奮性腺、腎上腺及抗炎等作用。
最早出自明朝李時珍嘅《草本綱目》記載，一般以白酒或高梁酒為基，加入五加皮、人參、肉桂等浸泡而成，具有助行氣活血、驅風祛濕、舒筋活絡等功效，亦有助改善肝腎不足、腰腿痠痛。