今夜一丁:Alecia Fox 俄國嬌娃 愈戰愈強

美國四仔界久唔久就會出現超人氣俄國脫星,而講到近年備受注目嘅,Alecia Fox係其中一位。雖然佢冇激凸嘅上圍,但係憑住俄國嬌娃嘅迷人外形及優雅氣質,令佢喺脫界大放異彩。

裸模出身

雖然喺美國四仔界搵食嘅俄國脫星有唔少,但係能夠一出道就走紅嘅卻唔多,而Alecia Fox就係當中嘅少數。嚟自俄羅斯克拉斯諾達爾嘅佢,19歲開始做裸模,喜歡以素顏示人,佢解釋話因為自覺純情魅力最迷人,亦因為咁而大受歡迎,火速成為人氣裸模。

當時裸模界對佢嘅評價極佳,雖然冇激凸上圍,但係渾圓嘅美股超吸睛,加上優雅嘅氣質,散發出獨特個人魅力。由於人氣不斷飆升,2017年1月畀美國成人網站Sexy Hub睇中,搵佢演出四仔短片,正式轉戰四仔界。之後四仔片廠Lesbea又搵佢演出女同作品《Lady Bug for Massage Rooms》,正係憑住呢套作品,佢嘅名字終於喺四仔界打響名堂。

獻出第一次

Alecia Fox坦言估唔到作品銷量成績會咁好,而片廠Lesbea亦食住個勢搵佢演出一系列女同作品,分別係《Pussy Licking Russian Teen Blonde》、《Tight Russian Teen With Small Tits》、《Fitness Rooms》等,全部都獲得相當好嘅成績。

不過講到佢真正人氣大爆發,就係2018年8月為Tushy演出嘅《Nice And Tight》,呢套作品係佢四仔事業生涯上,首套男女對戰戲,更係第一次獻出後花園添!火辣嘅交鋒場面,加上迷人嘅優雅魅力,令四仔迷留下深刻嘅印象,更喺2019年嘅Spank Bank頒獎禮獲提名「最佳新進脫星」,之後亦吸引到Blacked、Vixen、Reality Kings等著名四仔片廠嘅注意,紛紛搵佢演出,可謂名利雙收。問到點解會接拍男女肉搏四仔作品,Alecia Fox解釋話經過一年嘅試水後,佢已熟悉咗四仔嘅演出模式,故此決定放膽一試,更嚟個重口味後門演出,結果令佢一舉成名!

社交網站

近年喺各個四仔頒獎禮上大放異彩嘅Alecia Fox,絕對係現今美國四仔界炙手可熱嘅俄國脫星之一。早前佢喺社交網分享運動照,估唔到佢最愛嘅運動竟然係落山單車,原因係夠刺激喎!

網址:https://twitter.com/aleciafoxart

Profile

出生日期:1998年1月12日

身 高:170cm

三 圍:32B-25-36

撰文:魂