日本寫真界有好多爆乳可人兒，甚至因為個樣生得可愛而被歸類為「小動物系」，意思指佢哋身上散發着一股令人憐愛嘅氣質。好似今期「世界Cup」主角青山光，不但個樣生得可愛，仲擁有一對精靈度媲美貓眼嘅靈魂之窗，加上身材出眾，於是被稱為「I奶之野生兒貓娘」！
現年28歲嘅青山光，擁有一張可愛童顏，雙眼仲好似貓眼一樣咁明亮精靈，所以有人以「貓娘」嚟稱呼佢。
講起「貓女」，好多人都會第一時間諗起電影《蝙蝠俠再戰風雲》入面嗰位性感貓女郎，但喺筆者眼中，擁有一對I Cup木瓜奶嘅寫真女優更加誘人！雖然光妹個子唔高，但身材好弗，真係好適合拍寫真。不過，當初佢由家鄉長崎縣走去東京發展，一心諗住做聲優，原因係佢自細就鍾意動漫，好彩未能成事，寫真迷先有機會睇到佢嘅演出。
話時話，自從光妹2013年開始拍寫真以來，發展得相當唔錯，除咗拍下大量高質艷照，參加選美活動亦有好成績，例如喺2014年「汐留偶像甲子園」獲得粉絲特別獎，又喺「2016年初寫真偶像巨乳番付」活動中獲得「東之橫綱」嘅封號！另外，光妹好識爭取曝光機會，包括同森咲智美、橋本有菜等頂級寫真女優組成女子組合「sherbet」四圍登台搵真銀，又嘗試踏足電影圈，話唔定日後真係有個貓女角色搵佢演出呢！
近年青山光真係好多搞作，包括贊助桌上遊戲杯賽，仲以自己嘅姓氏嚟命名，叫「青山杯」。另外，佢又經常參與不同攝影會，Click入佢嘅社交網，就會知道佢嘅最新動向。
網址：https://twitter.com/hikaru06kon
上圍：37吋I Cup
養眼度：★★★
噴血度：★★★★
評語：又大又彈，猶如一對大木瓜，喺寫真演出時好有可塑性。
年齡：28歲
身高：5呎1吋
三圍：37I-24-35
撰文：賢