咪以為壯陽藥名改得勁就得，中國古代就有一種充滿詩意嘅壯陽藥方，就係收錄喺明代洪基所著《攝生總要》中嘅「楊妃夜夜嬌」，又名「貴妃夜夜嬌」，據說男人服用後能夠久戰不疲、長戰長有。原來呢道藥方嘅名字係嚟自明代女詩人黄峨所寫《巫山一段雲》中：「巫女朝朝艷，楊妃夜夜嬌。」文中嘅楊妃係指楊貴妃，而「夜夜嬌」令人有無限嘅遐想。
藥方嘅材料分別有蛇床子、遠志、蜂房、五味子、細辛及地龍，做法相當簡單，就係將6種材料碾成細末，然後混合便可。使用時勺出少許藥粉，加少少水塗喺男士兵器嘅槍頭上，之後就可以進行活塞運動，書中稱：「大能久戰，男女歡暢，其效非常。」
材料中嘅細辛，具有祛風散寒、通竅、止痛等嘅作用，而五味子則有斂肺滋腎，生津斂汗，澀精止瀉等功效。不過有網民就照足材料及做法，用後只覺有啲麻熱感，效果並唔明顯。不過呢啲古代壯陽藥方，都係睇過就算，咪太過認真呀！