大蒜亦即係蒜頭，學名Allium Sativum，憑住特殊氣味令人又愛又恨，原來佢仲具有催情作用！喺古希臘時期，大蒜因為易種又多產，而被視為具有催情作用，更跟芫荽混合作為春藥嘅主要成分。風流嘅法國國王亨利四世亦視大蒜為最佳嘅催情兼壯陽食物，因此每日大量食用以應付頻繁嘅房事。此外，部分宗教亦認為佢具有催情作用，而禁止修行者食用。
大蒜所含嘅肌酸酐不但有助肌肉生長，更對精液產生具有作用，故此對於房事頻繁嘅男士，用嚟補充「精」力，確實有相當明顯嘅效果。此外，含有嘅蒜素，不但能夠加速血液循環，同時亦會增加男士體內嘅睾酮，對提升性慾亦有幫助。
講到大蒜可促進血液循環，皆因佢含有一氧化氮，德國有研究指呢種成分可令血管放鬆，令血液能注入男士嘅兵器中，變得更易及有效地進入作戰狀態，同時亦能令勃起時間變得更長。