充滿線條美嘅身材，容易令人產生遐想，甚至會出現情不自禁嘅情況，因而被人以「魔鬼」二字嚟標籤。三圍數字為36-24-36嘅人氣模特兒殷彩元，佢嘅身材就屬於魔鬼級，加上有一對修長美腿，不論換上晚裝抑或比堅尼，都非常誘人！事實上，喺韓國首爾出生嘅佢，一出道已憑住前凸後趷嘅迷人身段，成功吸引大家嘅目光，除咗拍攝硬照，仲會接拍遊艇廣告。值得一提，彩元嘅樣貌雖然未至於驚為天人，但就流露出一股野性氣質，之但係佢好少以性感造型演出，理由係唔想分散大家嘅注意力，聽落都幾搞笑喎。