有人視獎項如浮雲，但係對於力爭上位嘅模特兒李恩惠嚟講，榮譽絕對係吸引眼球同贏取人氣嘅台階！喺韓國大邱出生嘅佢，2011年開始從事攝影模特兒工作，起初只係諗住做兼職，為日後擔任時裝設計師鋪路，勢估唔到被經理人事務所睇中，點名參加網絡賽車女郎比賽，仲攞埋冠軍添。呢次獲獎令佢嘅名氣大增，順勢參加2012年舉辦嘅賽車女郎比賽，結果又奪得最佳美腿模特兒。就係因為兩次獲獎，阿妹嘅人氣愈嚟愈勁，工作愈接愈多，令佢決定以模特兒工作為事業，不但喺多個車展及賽事中亮相，更化身電玩女郎。值得一提，阿妹好有創作天分，曾發表過漫畫作品，堪稱藝術系女神。