魔法少女係日本十八禁遊戲嘅常見題材，而呢套由metalogiq炮製嘅新作《魔法少女消耗戰線DeadΩAegis》，算係幾有新鮮感，事關裏面加咗宇宙生物入侵嘅橋段，因而出現一幕幕極盡華麗嘅戰爭場面！故事講述人類已大量移居月球及火星，某日一艘來往冥王星同地球之間嘅飛船，被大量狀似水母嘅「宇宙刺胞生物」（Cosmic Cnidarian）襲擊，佢哋厲害到連核彈都唔怕，仲慢慢迫近地球，於是地球聯合軍派出最後部隊「魔法少女隊」參戰，以近乎全滅嘅情況下，將呢啲生物趕出太陽系。究竟呢班魔法少女有乜嘢克敵方法？原來佢哋可以透過同生物交合而獲得超能力，所以順利擊退敵人。不過，呢次勝利只係連場大戰嘅序幕，故事嘅後續發展會變成點，就要睇玩家嘅功力有幾強喇！