有人話，鍾意電玩嘅男士有兩大最愛元素，就係美少女同機戰，如果屬實嘅話，由戲畫推出嘅十八禁ADV遊戲《閃鋼之克拉里亞斯》應該幾啱男士玩。故事講述男主角長井永羽喺倫敦街頭迷路，無意中喺車站發現一隻怪蛋，當蛋殼裂開一刻，佢就失去意識，醒番之後發現自己身處一個叫塞雷姆嘅異世界，冇幾耐仲邂逅咗一位正尋找殺父仇人嘅公主，兩個人決定並肩作戰，將好多不為人知嘅秘密慢慢揭開。呢款遊戲嘅女角色出自擅長繪畫美少女漫畫嘅鈴平裕之手，造型吸引不在話下，加上有唔少華麗嘅機戰場面，實在令人期待！