點先稱得上係全能型模特兒？如果按韓國嘅標準，起碼要喺攝影界、賽車女郎界同車模界撈得掂先有價講，照咁睇嚟，今日為大家介紹嘅人氣模特兒潘紫熙，絕對夠資格入選！
呢位索模嘅天賦條件真係好啱食模特兒呢行飯，樣靚之餘，個子又生得高，加上35-24-35嘅魔鬼級三圍數字，同超修長嘅美腿，着咩衫都正過人。事實上，紫熙細細個已夢想成為一位模特兒，後來獲得同德女子大學模特兒系取錄，開始兼職模特兒生涯，為未來發展打下堅實嘅基礎。大學畢業後，佢正式成為職業模特兒，人氣仲隨住曝光率增加而不斷提升呢！