可能之前睇得太多影視作品嘅關係，總係覺得着起制服嘅警花有股獨特嘅魅力。至於今日為大家介紹嘅「女警」，唔止樣子生得可愛，身材仲好鬼正，加上頻頻以性感姿態出動，所以迷倒唔少男人，佢就係最近變成麻雀警察嘅長澤茉里奈！
日本有唔少女優好似食咗防腐劑，即使廿零卅歲，依然Keep住童顏，好似遠野千夏同殿倉惠未，年過30歲仲係狀態十足，而長澤茉里奈更有「合法蘿莉巨乳」之稱！所謂「合法」，意思指佢已達到日本嘅法定成人年齡20歲，原來阿妹已經25歲喇，但因為天生麗質，個樣萌到好似剛成年嘅女仔一樣，所以人哋稱之為「蘿莉」。至於點解有「巨乳」之稱，好簡單啫，胸前雙峰有F Cup咁勁，加上質感天然具彈性，實在太吸引！
長澤茉里奈喺2013年以美少女組合放課後公主第5期候補成員身份加入藝能界，因青春可愛、身材又正，所以被安排拍寫真，而且好快憑童顏巨乳而上位。雖然阿妹一臉稚氣，但原來好鍾意杯中物同打麻雀，最近仲為一個叫《麻雀遊戲王》嘅網絡節目化身麻雀遊戲警察，職責係四圍搜查有關日本雀壇嘅最新情報同熱門話題，每次出動都會換上女警制服兼且以低胸示人，真係性感又可愛呀！除咗扮演女警之外，阿妹仲會擔任飲食同旅遊節目嘅嘉賓，搵食瓣數真係相當多！
近排，長澤茉里奈真係好多Job，登入佢嘅社交網，除咗可以知道其最新動向，仲會搵到唔少性感相片呢！
網址：https://twitter.com/nagasawa_marina?lang=ja
年齡：25歲
身高：5呎1吋
三圍：32-22-33
撰文：賢