美酒，放得愈耐愈醇；同樣地，美女都要有番咁上下人生閱歷，先可以做到靚得有內涵，而呢種迷人嘅特質就係大家口中嘅「女人味」。好似今日介紹嘅韓國人氣模特兒宋丹飛，唔止擁有前凸後趷嘅出眾身材，身上仲散發住一股女人味。
喺韓國光州出生嘅佢，早喺2013年已從事攝影模特兒工作，當時佢仲喺大學修讀實用藝術，原本諗住只係當打份兼職，點知有次擔任賽車女郎工作，竟獲得超高人氣，於是畢業後決定以全職身份加入模特兒行列。講真，丹飛仲係好年輕，但就有種成熟女人嘅氣質，非常耐看，難怪喺模特兒界嘅人氣愈嚟愈勁，仲成為好多廣告商嘅寵兒呢！