網絡吸睛索女現優勢

樣靚身材正,真係咁着數?有水着女優以巨乳為賣點拍煮食影片,隨即成為網絡熱話;又有人以輕熟女之齡再拍寫真,因為Keep住靚而備受讚賞;仲有位四仔女神喺網上發個貼就有幾十萬人點讚,真係唔到你唔服!

脫星剖白怕孤獨

人靚又搵到錢嘅美國四仔脫星,究竟會擔心啲乜嘢?喺1991年出生嘅天后級脫星Riley Reid坦言,最怕係孤獨一生。擁有完美美股嘅佢,自2011年喺四仔界出道以來,先後喺AVN、XBIZ同NightMoves等四仔頒獎禮獲獎,而且吸金力超強。早前佢喺IG發文,話自己加入四仔界以後,遇上嘅男人只停留肉體關係,擔心以後冇戀愛機會,甚至要孤獨終老。貼文一出,即獲得超過86萬人點讚,唔少人都讚佢有美麗嘅靈魂,只要唔放棄,總有一日可以遇到真命天子。

真空圍裙教烹飪

早前報道過,日本喺抗疫期間湧現唔少以巨乳為賣點嘅網絡視頻,最近又有個YouTuber因為以上身真空露側乳出鏡,成功吸引大量網民關注,佢就係著名巨乳寫真女優水咲優美!翻查資料,佢嘅視頻喺舊年6月開設,裏面有十幾條片,無一不以巨乳為賣點,但以早前一條教烹飪嘅短片最搶眼,事關佢嘅真空圍裙造型實在太誘人。1997年出生嘅佢,憑住一對36G巨乳,喺寫真界有相當高人氣,既然身材方面咁有本錢,又點可以收收埋埋呢?

輕熟女神影寫真

留住青春係大部分女人都好着緊嘅事情,幸好家陣啲護膚技術實在高超,只要夠勤力保養,已屆輕熟之齡都可以Keep到似廿零歲嘅妹妹仔咁,曾紅極一時嘅寫真女優小松彩夏,就係人辦!今年34歲嘅佢,早前為雜誌《Weekly Playboy》拍攝一輯寫真,狀態真係好弗,皮光肉滑之餘,嗰對33D美乳更加係勁吸睛,所以唔少網友都話佢有本錢繼續拍寫真。講真,自從喺2012年推出《Komagokochi》之後,佢一直冇再推出新寫真集,難怪呢輯相會成為網絡熱話啦!

撰文:魂