各花入各眼，每個人對「靚女」嘅定義都唔同，如果要搵一個冷艷型嘅代表人物，韓國人氣模特兒朴世雅夠晒資格入選！喺首爾出生嘅佢，自細已經係一位冰美人，收起笑容時，個樣真係Cool到爆，所以有好多人都話佢最啱做模特兒行天橋。殊不知佢喺長大後，真係憑冷艷氣質，被模特兒事務所嘅星探招攬，成為人氣攝影模特兒。入行之後，阿妹憑住獨特嘅美感，獲邀加入車模行列，人氣亦隨之上升，更得到「冷艷女神」嘅稱號添！
世雅喺模特兒界擁有超高人氣，但原來佢嘅志向係投身演藝工作，所以之前曾修讀演技課程，希望佢有機會一展才華啦！