女人對性愛冇興趣聽得多，但係男人唔願曳曳卻好少見，而呢位女網民嘅老公就係其中一位，佢話：「以前個衰佬已經好怕凍，但都冇理由因為凍而唔做（口架）嘛！事緣我哋呢排都好忙，所以親熱機會少咗，直至早前要Work From Home，多咗相處時間，見好耐冇行埋，梗係趁機會曳曳啦，點知佢話好凍唔想做，諗住過幾日暖番啲再做，但係佢一直拒絕。我偷偷查過佢部手機，又同佢啲同事八吓，都唔覺得佢喺外面偷食，唔通佢真係咁怕凍？」
繁星： 其實天氣凍又真係會唔想做，冇晒性趣囉，但老婆又唔明，成日話冚住張被做咪得囉，但佢又唔明張被入面會焗出一陣味o架！
Wind： 香港有幾凍呀？如果去到加拿大呢啲地方嘅話，咁咪每年有3、4個月唔使做？我就話佢肯定有蠱惑，都唔知係咪喺外面搞搞震！
米米： 我本身唔係好怕凍嘅，不過既然你老公話怕凍，咁啦，買部暖爐，都係千幾銀啫，咁佢就冇理由再話唔願曳曳喇啩！
夢始： 身為男人，我都覺得佢唔願做嘅原因，應該同天氣凍無關，亦唔係喺外面偷食，而係可能佢出現生理障礙，簡單嚟講就係不舉。